نرمين الفقي تكشف لـ"مصر الآن" كواليس عملها مع أبطال "أولاد الراعي"

 كشفت النجمة نرمين الفقي، كواليس عملها مع أبطال مسلسل"أولاد الراعي" ماجد المصري وخالد الصاوي وأحمد عيد في العمل الذي ينافس بقوة في موسم دراما رمضان 2026. 

وعن كواليس مسلسل "اولاد الراعي"، قالت نرمين الفقي في تصريحاتها لـ"مصر الآن":  "بيجمع بينا كلنا الرغبة والثقة والمحبة إن احنا نعمل حاجة محترمة وكويسة جدا للمشاهدين وإن قلبنا يبقى كويس بيبقى ده من أكبر عوامل النجاح، ولما تبقى كل المنظومة على بعضها من إنتاج وإخراج وتأليف وتصوير احنا بينا وبين بعض كلام وحابين بعض أوي ده بيفرق كتير، وكمان معانا الأستاذ محمود كامل المخرج بيقولنا دايما أنا عايز أعمل المشهد ده ويبقى ماستر سين وعايز دايما أميل للطبيعة ومش عايز حاجة يبقى فيها نوع من المبالغة". 

مسلسل "أولاد الراعي" بطولة ماجد المصرى، خالد الصاوى، أحمد عيد، نرمين الفقى، أمل بوشوشة، إيهاب فهمى، نوران ماجد، إيناس كامل، فادية عبد الغنى، محمد عز، نوليا مصطفي، شادى مقار، غادة طلعت، كريم عبد الخالق، وآخرين، وهو من تأليف ريمون مقار، مينا بباوي، وخالد شكري، ومحمود شكري، وطه زغلول، إخراج محمود كامل، وإنتاج شركة فنون مصر.

مسلسل "أولاد الراعي" يُعرض ضمن مسلسلات رمضان 2026، على قناة CBC وCBC دراما وDMC وDMC دراما ومنصة Watch it الرقمية.