المخرج محمد سامي :" آخر كام يوم بتصوير في الست موناليزا كانوا صعبين جدا على مي عمر"

علق المخرج محمد سامي، على انتهاء زوجته الفنانة مي عمر من تصوير مسلسل الست موناليزا، مؤكدا أن آخر كام يوم تصوير كانوا صعبين جدا .
وقال محمد سامي: "النهاردة مي عمر خلصت تصوير مسلسل الست موناليزا ، آخر كام يوم كانوا صعبين جدا لأنها صورت في عز ظروفها لأن المسلسل بيعرض على الهوا ، بس صبرها وساعدها وجود رجالة أخواتها كانوا في ظهرها محاوطين عليها برجولة وجدعنة ودعم لا محدود ".
وتابع: "بداية من mbc مصر، المحترم أستاذ.محمد عبد المتعال والأخ الشهم المحترم أستاذ. محمد مصطفى و المنتج الراقي الطيب الخلوق اللي بيحب أبطاله و بيقدرهم أ.حسن العسيري،  و أجمل و أشطر إثنين منتجين أ.طارق فهمى و أ.محمد عبد الوهاب اللي كانوا مموتين نفسهم عشان الست موناليزا يحقق النجاح اللي حققه بفضل ربنا وكرمه ويتصدر الترتيب سواء في مصر أو الوطن العربي".
وأضاف :"أنا بشكر الناس دي لأمانتهم و إخلاصهم وحبهم للناس اللي بتشتغل معاهم ، سهل إنك تعمل مسلسل بس صعب إنك تبقى رقم واحد من أول يوم عرض لآخر يوم ، بكلام موثق موجود على المنصة بريتنيج و ترتيب واضح وشرعي و معلن ، مش كلام مطلق و عايم ،الست موناليزا  رقم ١ من حلقة ١ إلى ١٤ و إن شاء الله هيقفل كده ، لله الحمد والشكر".