مي القاضي : "لو الفن حرام مش هسيبه وهعمل تجميد بويضات زي ناهد السباعي"

علقت الفنانة مي القاضي، على حرمانية الفن، مؤكدة أنها لن تتركه مهما حدث لأنها تحب مهنتها وتنوي تقديم الكثير من الأدوار المختلفة فيها.

وقالت مي القاضي: "معرفش الفن حرام ولا حلال، نفسي يكون الفن حلال، أوقات بقول يا ترى حلال ولا حرام، فـ ليه يبقى حرام؟ انا بحبه ومش شايفه انه حاجة غلط ولا اللي شغالين فيه غلط، شغلانة متعبة وفيها قيود، وربنا مقالش الفن حلال ولا حرام مفكرتش أعتزل وارتدي الحجاب وبشوف اللي عملوا كده خطوة كويسة وعايزين يقربوا من ربنا بعد مشوار ، أنا لسه في حاجات كتير نفسي اعملها ومشبعتش من التمثيل.

وتابعت: "الفن لو حرام؟ مش هسيبه عشان أنا بحبه، لازم اكون مقتنعه ومافيش حاجة غلط بعملها؟ او اقتنع بكلام اللي بيتكلم، شايفه إن الدنيا ابسط من كذه بكتير الدين عايزنا منكذبش ولا نسرق في ناس قافلين ع نفسهم مبيخرجوش ولا بيسمعوا اغاني مبحبش أبقى كده مبحبش التطرف".

وعن فكرة تجميد بويضاتها لحين الزواج مثل الفنانة ناهد السباعي،أضافت: برافو انها عملت كده، مع والعلم دايما بيطلع حاجات جديدة في العلم تسهل علينا حياتنا، وبفكر اعمل تجميد بويضات".