المخرج محمد سامي يعلق على الحلقة الأخيرة من مسلسل"الست موناليزا"

علق المخرج محمد سامي، على أحداث الحلقة الأخيرة من مسلسل "الست موناليزا" بعد عرضها ومنافسته بقوة في النصف الأول من موسم دراما رمضان 2026 . 

وقال محمد سامي بعد عرض الحلقة الاخيرة من الست موناليزا: "النهاردة نزلت الحلقة ال ١٥ ومسلسل الست موناليزا للنجمة مي عمر متصدر وبفارق، لله الحمد من يوم ١ رمضان حتى نهاية العرض والمسلسل رقم ١ على منصة شاهد في مصر وجميع دول العالم وبفارق كبير جدا". 

وتابع: "البوست ده مهم جدا للتوثيق، لأن خلاص المسلسل خلص عرضه ويا رب يوفق كل الزملاء اللي عملوا مجهود عشان الجمهور العظيم، هنشوف مين هيتصدر المشاهدات الأيام الجاية وهيحتل المرتبة الأولى بعد إنتهاء عرض الست موناليزا، بس نفضل فاكرين إن أثناء عرض المسلسل لم يزحزحه أي عمل آخر من مكانه ولم يعطي الفرصة لأي عمل آخر للتصدر إلا بعد إنتهاء عرضه". 

وأضاف: "وعايز شفافية وأخلاق في المنافسة وعايز المسلسل اللي هيتصدر لما يكتب إحنا رقم ١، يقول في نفس البوست (بعد إنتهاء عرض الست موناليزا ) ده في حالة إنه يكون مسلسل ٣٠ حلقة من اللي بيتعرض ولكن لو مسلسل ١٥ لسه هينزل يكتب براحته ومش لازم يقول بعد ما الست موناليزا خلص عرض، رمضان كريم عليكم و مبروك نجمة رمضان الأولى مي عمر".