أول تعليق من ريهام حجاج بعد الحلقة الأخيرة من مسلسل"توابع"

علقت الفنانة ريهام حجاج، على الحلقة الأخيرة من مسلسل "توابع" الذي تخوض بطولته، وانتهاء حلقات العمل التي عرضت بالنصف الأول من شهر رمضان ٢٠٢٦.
وقالت ريهام حجاج: "خلص توابع وخلصت رحلتي مع شهيرة خطاب ، عايزة اقول كلمتين عن التجربة إللي أستمتعت بيها جدا".
وتابعت: "من أول ما الأقدار جمعتنا أنا و محمد ناير و يحيي اسماعيل لاقينا عوامل مشتركة في الهدف و طريقة الفكر إللي هي السعي في محاولة الجمع بين رسالة الفن والجماهيرية,الحقيقة انه مش سهل (بس مش مستحيل) الكل عارف الخلطة السحرية للمشاهدات و الترندات…و الكل كمان عارف الخلطة الفنية الهادفة إللي الأكترية مش بيميلوا ليها".
وأوضحت: "وده طبيعة البشر وعشان كدا كلمة (أكثرهم) في القرآن دايما مقترنه بمفردات زي (لا يعلمون) ( لا يفقهون) و هو ده اللي بنسميه في أيامنا دي التريند و الجري وراه …وده المعنى الحقيقي للتوابع".
وأضافت: "أنا بشكر محمد ناير و يحيي اسماعيل على انهم قدروا مع كل من شارك في مسلسل توابع من كل الأقسام واحد واحد انهم يقدموا رسايل توعي الناس و تخليهم يفكروا و هم مستمتعين بالفرجة و متسليين و متأثرين ، الحمد لله عملنا معادلة كان نفسنا نوصلها، بشكر الجمهور الواعي اللي فهم الرسايل و اتكلم عنها وقدرها و أستمتع بيها".