نجلاء بدر تكشف رأيها في مسلسل "توابع" لريهام حجاج ..ماذا قالت؟

كشفت الفنانة نجلاء بدر عن رأيها في مسلسل"توابع" الذي عرض بالنصف الأول من شهر رمضان وخاض بطولته الفنانة ريهام حجاج.
وقالت نجلاء بدر: "ابتديت مسلسل توابع مع إني كنت شوفت أول حلقة بس أول يوم رمضان و لأني إتشغلت بالتصوير معرفتش أتابع النهاردة بكمل ووصلت دلوقتي حالاً للحلقة ٦بجد المسلسل ممتع وشيق وكلهم بجد عاملين أدوار حقيقية وقصة حقيقية قوي وبالتأكيد كل واحد مننا مر بنماذج شبيهه جداً للشخصيات دي".
وتابعت: "التأليف لمحمد ناير اللي رسم شخصيات حقيقية بجد حوار حقيقي ودراما متشابكة ومتداخلة بشكل واقعي جدا، الإخراج ناعم جدا متسلسل مع الأحداث والتصوير رائع والديكور والموسيقى والمونتاج".
وأوضحت: "الممتع بالنسبالي جداً جداً بجد ريهام حجاج رائعة بجد إحساس حقيقي بعمق داخلي وأبعاد حقيقية من غير فزلكة سايبة نفسها للشخصية بشكل بسيط وممزوج بمشاعر حقيقية وأسماء أبو اليزيد حرقة دمي لغاية دلوقتي بس عجباني أوي".
وأضافت:" ومحمد علاء رهيب مستفز مشاعري جدا في المسلسلين (عين سحرية) وأنوشكا وجودها إضافة دايما هاني عادل ممتع جدا كالمعتاد، جالا عادل شاطرة أوي ولسه مستنية أشوف أكيد سوسن بدر بجد بجد مبروك من قلبي لكل زملائي الحلوين أوي".