محمد حاتم يكشف طقوسه في شهر رمضان.. ماذا قال؟

 كشف الفنان محمد حاتم، عن طقوسه في شهر رمضان مؤكدا وجود والدته في أي عزومة عائلية تحسسه بالآمان.  
وقال محمد حاتم، في تصريحاته: "أهم شخص، وأول شخص لازم يكون موجود فى عزومة "مع الحبايب" هى أمي؛ لأن أمى وجودها خير، وبيحسسني بالأمان والسلام".  
وتابع: "في كل دائرة من دوائر معارفي، سواء العائلة أو الأصدقاء عندي ناس قريبين جدا مني، أحب إنهم كلهم يتجمعوا فى نفس الوقت لكن اللى بيحصل فى الحقيقة إن غالبا كل تجميعة بتكون لوحدها يعني العائلة لوحدها وأصدقائي من الوسط الفنى لوحدهم". 
واستكمل: "وأحب كل واحد يكون على راحته، وبهرب من فكرة أني أكون موجود فى مكان وألاقى نفسي على التليفزيون، وعادة بتفرج على نفسي قليل أوى، وأنا لوحدي". 
وأوضح: "أحب أعمل عزومة "مع الحبايب" في مكان مفتوح بالنهار، في يوم مشمس في الشتاء، لكن الإجابة القريبة لقلبي أنها تكون فى البيت لأن في رمضان تحديدا بيوتنا بتختلف، وإحساس اللمة بيكون أجمل".
وتابع: "أحب في تجميعة "مع الحبايب" يكون موجود أخواتي، وأولاد خالى، وخالتى فاتن، وأصحابي القريبن زي عمرو عابد، وكريم قاسم، وأحمد داش، وسارة عبدالرحمن، وأحمد مالك، وعلى قاسم، وصاحبي من أيام الجامعة علاء حسن
وأضاف: "وأحب أسيب كل واحد على حريته من غير قواعد وأنا عارف إننا كلنا بنسيب الموبايلات لما بنتجمع، لكن ممكن أطلب منهم لو حد يحب يطبخ أكلة معينة، أو يشترى حاجة هو بيحبها، نجربها كلنا سوا..أحب أتجمع مع كبار السن اللي عايشين لوحدهم مهم إن قلبنا يكون مع الناس الأكبر سنا".