أحمد داود: "بابا وماما جيران يناقش قضية تزايد حالات الطلاق وتأثيرها على الأطفال"

 تحدث الفنان أحمد داود، عن مسلسله الرمضاني"بابا وماما جيران" الذي يخوض من خلاله المنافسة في الموسم بالنصف الثاني من شهر رمضان.
وقال أحمد داود، إن اختياره للمسلسل جاء من رغبته الدائمة في تقديم أدوار مختلفة، موضحًا:"كممثل بحس إن كل سنة لازم أبعد عن اللي عملته قبل كده، ومحتاج أعمل حاجة مختلفة عشان أنا كمان أستمتع بالشغل, ولو فضلت أعمل نفس الحاجة بحس مع الوقت إني بقيت موظف ومبقاش في متعة".
وتابع، أن هذا كان السبب الرئيسي وراء مشاركته في المسلسل، مشيرًا إلى أنه عمل اجتماعي خفيف يناسب كل أفراد الأسرة، قائلًا:"ده كان سببي إني أشارك في بابا وماما جيران، حاجة لايت واجتماعية كل العيلة تتفرج عليها مع بعض. ويارب ننجح في ده ويبقى مسلسل بسيط يخليك تحس إنك كويس".
وأضاف، أن العمل يناقش قضية مهمة بشكل بسيط، وهي تزايد حالات الطلاق وتأثيرها على الأطفال، موضحًا:"موضوع الطلاق زاد جدًا مؤخرًا، فبقينا حاسين إننا محتاجين نتكلم عنه بأكتر من شكل. في ناس بتعالجه بشكل جدي، وإحنا بنقدمه بشكل لايت، لكن الفكرة الأساسية إن الأولاد لازم نحافظ عليهم وعلى صحتهم النفسية.