إنجي علاء توضح حقيقة وجود خلاف بينها وبين طليقها يوسف الشريف

 حرصت المؤلفة إنجي علاء، على توضيح حقيقة وجود خلاف بينها وبين طليقها الفنان يوسف الشريف، بعد تدوينتها الأخيرة التي فسرها البعض عبر مواقع التواصل الاجتماعي المختلفة بأنها تشير لطليقها في رسالتها. 
وقالت إنجي علاء: "توضيح.. بالنسبة للكلام المتداول على بعض المواقع أحب أوضح أن بيني وبين أبو أولادي أحلى ولدين في الدنيا.. ما شاء الله عندهم ١٦ سنة دلوقتي". 
وتابعت: "وبينا عشرة أكتر من ١٤ سنة.. وعلاقة إحترام متبادل من بعد الطلاق اللي بقاله سنتين ونص". 
وأضافت: "الظلم اللي اتعرضت له في الشغل مفصول عن حياتي الشخصية.. الحمد لله على كل شيء.. وكله عند ربنا".
وكانت إنجي علاء طليقة الفنان يوسف الشريف، قالت في رسالتها التي أثارت من خلالها الجدل: "مش مسامحة اللي سرقوا وقتي وتعبي وشغلي سنين وزيفوا الحقايق.. وخلوني أصدق حكايات وأكتب فيها كمان وهي كلها تأليف ووعدوا وعود موفوش بيها وسابوني في نص الطريق". 
وأضافت: "وعلى فكرة أنا ممكن أسامح الا الأذى اللي ضر ببنتي معايا بصورة مباشرة أو غير مباشرة ..بس الحمد لله انا خسرت وهم.. وهم خسروا الحقيقة ، والحمد لله اني كسبت نفسي في الآخر.. صحيح كسبتها بعد حرب مؤذية بس كفاية اني لسة بضحك..حسبى الله ونعم الوكيل والحمد لله رب العالمين كلي ثقة في الله وبحمد ربنا كل يوم انه بعدني عن الشر ده".