إنجي علاء تتصدر التريند بسبب يوسف الشريف

 تصدرت المؤلفة إنجي علاء، تريند مؤشر البحث "جوجل" خلال الساعات الماضية بعد تصريحاتها عن طليقها الفنان يوسف الشريف. 

وأثارت إنجي علاء الجدل برسالة غامضة في وقت سابق، قالت فيها:  "مش مسامحة.. خصوصًا اللي سرقوا وقتي وتعبي وشغلي سنين، وزيفوا الحقايق، وخلوني أصدق حكايات وأكتب فيها كمان وهي كلها تأليف، ووعدوا وعود ما وفوش بيها وسابوني في نص الطريق. وعلى فكرة أنا ممكن أسامح، إلا الأذى اللي ضر ببنتي معايا بصورة مباشرة أو غير مباشرة".

وتابعت: "الحمد لله أنا خسرت وهم.. وهم خسروا الحقيقة، والحمد لله إني كسبت نفسي في الآخر. صحيح كسبتها بعد حرب مؤذية، بس كفاية إني لسه بضحك. حسبي الله ونعم الوكيل، والحمد لله رب العالمين، كلي ثقة في الله، وبحمد ربنا كل يوم إنه بعدني عن الشر ده".

وفسر رواد مواقع التواصل الاجتماعي رسالة إنجي علاء على أنها تقصد من خلالها طليقها الفنان يوسف الشريف، لتعود لتوضيح الأمر من جانبها برسالة جديدة، قالت فيها : "توضيح.. بالنسبة للكلام المتداول على بعض المواقع، أحب أوضح إن بيني وبين أبو أولادي أحلى ولدين في الدنيا.. ما شاء الله عندهم ١٦ سنة دلوقتي". 

وأضافت: "بينا عشرة اكتر من ١٤ سنة.. وعلاقة احترام متبادل من بعد الطلاق اللي بقاله سنتين ونص.. والظلم اللي اتعرضتله في الشغل مفصول عن حياتي الشخصية.. الحمد لله على كل شيء.. وكله عند ربنا".