مريم أشرف زكي: "أولاد الراعي غير حياتي وعيشني أحلى أيام"

تحدثت الفنانة الشابة مريم زكي ابنة نقيب المهن التمثيلية أشرف زكي، عن تجربتها في مسلسل "أولاد الراعي" الذي ظهرت من خلاله على الشاشة في موسم دراما رمضان 2026 .
وقالت مريم أشرف زكي: "لو من سنة حد كان قالي إني هعمل مسلسل في رمضان، وبابايا هيكون الأستاذ خالد الصاوي، ومامتي الأستاذة نرمين الفقي، وعمي الأستاذ ماجد المصري، والأستاذ أحمد عيد..عمري ما كنت هصدق".

وتابعت: "مسلسل أولاد الراعي فعلا غير حياتي، وعيشني أحلى أيام وإنّي أكون جزء من التجربة دي حلم.. كل يوم كنت بروح التصوير وأنا حواليا أجمل ناس، وكل الحب والدعم منهم".

واستكملت: "والسبب في كل ده بعد ربنا هو الأستاذ ريمون مقار، لإيمانه بيا وبموهبتي، واداني فرصة كبيرة. وكنت كل يوم بحاول أكون قدّها بالمذاكرة والاجتهاد".
ووجهت الشكر لمخرج المسلسل، قائلة: "شكر كبير للمخرج المبدع الأستاذ محمود كامل، اللي كان صبور جدًا معايا، وفاهم تفكيري، وطلع مني أحسن حاجة.. وكل الشكر لفريق العمل والمساعدين المبدعين، وكل الناس اللي آمنت بيا". 
وأضافت: "أنا فعلا كسبت عيلة جديدة في أولاد الراعي.. كل الحب للتجربة العظيمة دي، اللي عمري ما كنت أحلم بيها… ويا رب أكون قدرت أوصل لكم إحساسي بيها".