نهاد أبو القمصان:مسلسل تحت الوصاية حطنا قدام مراية قانون من ضمن قوانين كثيرة سيئة

علقت المحامية نهاد أبو القمصان رئيس المركز المصري لحقوق المرأة على نهاية مسلسل تحت الوصاية بسجن الأم.
وقالت نهاد عبر صفحتها الرسمية على موقع التواصل الاجتماعي "فيس بوك":"الام اتسجنت ليه ؟ الام اللى نجحت فى ادارة اموال ولادها وعملت مطعم اتسجنت بتهمة السرقة لانها اخدت اموال القصر بدون موافقة من النيابة الحسبية والعم كان ممكن تنازل عن البلاغ بس محدش بيطمع وفجأة يطلع ملاك ويتنازل". 
وتابعت:"مين هيصرف على العيال ؟ قانونا  الانفاق مسئولية عمهم لانه الوصى وحتى لو مش وصى لانه قرابة من جهة ( العصب )
ولان العم فاشل فى ادارة حياته اصلا ومش عارف يصرف على نفسه ويتجوز فغالبا مش هيعرف يصرف على الولاد طيب يروحو لخالتهم ؟ خالتهم مش بتشتغل وجوز خالتهم مش ملزم يصرف عليهم او ربما معندوش امكانية يصرف فغالبا الاولاد هيتحطو فى دار رعاية ". 
واختتمت نهاد حديثها وقالت:"ممكن البعض يشوف دا صعب قوى 
او خيال مؤلف لكن فى الواقع وفى المحاكم حكايات صعبة 
اصعب من كدا كمان لما بنحكى للمؤلفين عن اللى بيشوفو فى الواقع بيتصدمو لان قوانينا من ايام اهل الكهف مسلسل تحت الوصاية حطنا قدام مراية قانون من ضمن قوانين كثيرة قوى اقل ما يقال عليها سيئة".