زينة تكشف سبب عزلتها في كواليس مسلسل"جعفر العمدة"

كشفت الفنانة زينة عن الكواليس التي جمعتها بـ أبطال مسلسل جعفر العمدة، الذي شاركت به في السباق الرمضاني 2023 بجانب الفنان محمد رمضان والمخرج محمد سامي، وذلك في برنامج مساء DMC.
وأشارت زينة إلى عدم احتكاكها بأبطال العمل، موضحة: كنت معزولة في أوضتي ومش بحتك بأبطال جعفر العمدة لأني بحب أركز مش بحب أضيع طاقتي في الكلام أو في حاجة غير الشغل لأني لو سبت نفسي للرغي والهزار مش هطلع حاجة، فلازم تحافظي على مود الشخصية.
وأكدت زينة على رفضها المشاركة في مسلسل جعفر العمدة بالبداية: أنا رفضت المسلسل وقولت خلوني في عمل تاني، بس هما أصروا وقالولي اختاري الدور اللي انتي عايزاه ولو عايزانا نزودلك دورك، بس أنا كنت مقتنعة بـ عايدة وكنت عايزة أعملها في الوقت ده، كنت مفتقدة الشخصية الهادية اللي ملهاش في الشر عشان السنة اللي قبلها واللي قبلها كانت شخصياتي شريرة.
وقالت زينة عن نجاحات مسلسل جعفر العمدة: ردود الفعل خضتني والمسلسل نجح بشكل كبير مش في مصر بس ده في العالم كله، نجح والناس لسة عايشة في شخصياته مش بيقولولي يا زينة بيقولولي يا عايدة والناس متفعلة مع كل الأدوار.
وتابعت حديثها عن محمد رمضان: بني أدم محترم وبيحترم كل الناس وبيقدر موهبة كل الناس وبيدي كل واحد قدره وموهبته بزيادة.