بعد انفصاله عن أم أولاده.. أيمن بهجت قمر يكشف حقيقة زواجه سرا

 كشف الشاعر الغنائي والمنتج أيمن بهجت قمر، حقيقة الأخبار التي تم تداولها في وقت سابق حول زواجه سرا. 

وقال أيمن بهجت قمر: "حصل لي شوية لخبطة وأنا وقتها معلقتش عليه ومعنديش أي مشكلة معاه بس لقيت ناس كتير بعده بتقول اني متجوز .. في حقيقة الأمر أنا ما أتجوزتش لسه بعد انفصالي عن أم أولادي". 

وتابع: "فكرة الجواز والاختيار بالنسبة لي مش سهلة أوي كدة لأن الست اللي هتجوزها هي اللي المفروض أكمل معاها اللي باقي من عمري ودي الست اللي هتورثني وتدخل مع ولادي في إعلام الوراثة". 

وأضاف: "واللي هيتقال عليها لحد آخر يوم في عمرها حتى لو أنا مش موجود إنها كانت مرات فلان الفلاني ودي لازم تبقى واحدة أنا حاسس فعلا أنها الست بتاعتي وابقى شايفها في عيني ست الستات كلهم ودي لحد دلوقتي مش موجودة في حياتي وأكيد لما تظهر هقول على طول.. فأنا بس حبيت أوضح".