مدحت عبد الهادي ينفي اساءته للأهلي في بيان

نفي مدحت عبد الهادي لاعب الزمالك السابق لكرة القدم ما تردد انه اساء بالقول ضد النادي الاهلي خلال مباراة الزمالك مع سموحة باستاد برج العرب .. واصدر بيانا ونشر فيديو قال فيه  : 
أنا طول عمري لا شتام ولا سباب، وعمري ما اتربيت إني أغلط في حد. أنا زملكاوي لحد النخاع وبشجع بيتي بكل حب، الفيديو المتداول ده للأسف متاخد ومجتزأ من سياقه الحقيقي، والكلام كان أصلاً بيني وبين واحد من الجماهير اللي كان بيشتم، وكنت بقول له ما ينفعش تقول كده، لكن اتقص جزء من الكلام واتنشر بشكل يوحي بمعنى تاني خالص علشان يعمل فتنة بين الجمهورين.
أنا ما فيش عندي أي داعي أو سبب إني أسيء للأهلي أو لأي جمهور منافس بحترم الأهلي وجمهوره وإدارته وبحترم كل جماهير الأندية المنافسة، لأن دي مش أخلاقنا ولا دي الطريقة اللي المفروض نشجع بيها. الكرة منافسة جوه الملعب بس، إنما بره الملعب الاحترام هو اللي لازم يجمعنا كلنا.