شيرين عبد الوهاب تتعرض لموقف محرج في حفل دبي

تعرضت الفنانة شيرين عبد الوهاب، للسقوط أثناء  إحيائها لحفل غنائي في دبي في كوكاكولا إيرينا.
فخلال تفاعلها مع فرقتها الموسيقية في أحد الأغنيات وقعت بشكل مفاجئ على المسرح، وتسارعت فرقتها الموسيقية لسندها وإيقافها من جديد.
وقالت شيرين فور وقوفها: "عشان المنظمين مش بيتعلموا، المفروض السماعات تكون تحت مش على المسرح عشان نعرف نمشي، بكرة السوشيال ميديا هتمسك في لحظة وقوعي على المسرح.. بس ميقعش إلا الشاطر".
ومازحت الفنانة جمهورها، قائلة: "شوفوا رجلي ازرقت إزاي.. هطلب تعويض كبير يلا خلينا نؤمن مستقبل العيال".
وقدمت شيرين في الحفل مجموعة كبيرة من أشهر أغانيها مثل: "على بالي" و"كدة يا قلبي" و"المترو" و"الوتر الحساس"، ولاقى الحفل إعجاب الحضور وتفاعلهم.
وقالت شيرين مداعبة جمهورها: "وحشتوني، خلاص شوشو رجعت، مش هغيب عنكو تاني أبدا".