منة بدر تيسير تنعى محمد حسن الجندي:"أكتر إنسان كان قريب مني"

 كشفت الفنانة منة بدر تيسير، عن محادثة شات جمعتها مع الفنان الشاب محمد حسن الجندي الذي وافته المنية أمس الخميس بشكل مفاجئ. 

وقالت منة بدر: "معرفش امتي وإزاي محمد حسن الجندي توفي.. أكتر إنسان كان قريب مني في معهد فنون مسرحية وكان أخويا وصديقي ولا جه عليا في حاجة أو افتكر اني زعلت منه في مرة". 

وتابعت: "عمره ما كان بتاع مصلحته ولا كان ندل مع حد،  ولا عمره مكنش حنين على حد، طول الوقت بيسأل عليا ويطمن عليا في عز ما كنت أنت محتاج اللي يسأل عليك". 

وأوضحت: "عمري ما كنت أتخيل اني أكتب بوست اني مش هشوفك تاني، أكيد أنت ارتحت دلوقتي وفي مكان احسن عند ربنا.. يا ريتني جيت  وشوفتك وقابلتك قبل ما تمشي". 

وأضافت: "عمري ما هنساك ولا هنسى أدعيلك على قد حبي ليك.. لا حول ولا قوة إلا بالله العلي العظيم،  البقاء الله وحده" . 

يذكر أن آخر مشاركات محمد حسن الجندي فيلم "الكنز 2: الحب والمصير" عام 2019 وجسد من خلاله شخصية الرئيس الراحل محمد أنور السادات وسط إشادات كبيرة من قبل النقاد والجمهور.