هبة عبد الغني تعلق على  أزمة "الجلابية" بفيلم "أسد" وترد على مخرج العمل

أعربت الفنانة هبة عبد الغني، عن اعتراضها على الفيديو الذي نشره محمد دياب مخرج فيلم" اسد" اليوم و الذي وصف فيه منع دخول أحد المتفرجين بجلابيه بلدي لإحدي دور العرض داخل احد الفنادق الكبري، وذلك لمشاهدة الفيلم من قبل امن الفندق بانه موقف عنصري فقال نصاً " اللي حصل ده جريمه، مينفعش يتحرم أي مواطن من خدمه او دخول مكان بسبب لبسه، و اللي في الحاله دي هو زيي مصري خالص لازم نفخر بيه. المفارقه ان ده يحصل مع ناس داخله تتفرج علي فيلم أسد اللي هو بالأساس ضد العنصريه.. احنا عازمين الناس المحترمة دي على الفيلم وأنا هخش معاهم بالجلابية شخصياً. طبعاً الغلطه اللي حصلت مسؤلية السينما مش اسره الفيلم، و احنا بندين أي نوع من التفرقه ضد أي شخص، و لو محصلش اعتذار و تغيير للمنع ده فإحنا ميشرفناش أن فيلم أسد يتعرض في السينما دي".

ومن جانبها، نشرت الفنانة هبة عبد الغني عبر حسابها الشخصي على موقع "الفيسبوك" أن الواقعة لا تتجاوز كونها إجراء تنظيميا خاصا بإدارة الفندق الذي يضم دار العرض، معتبرة أن الأمر تم تضخيمه واستخدامه ضمن الترويج المصاحب للفيلم.

وقالت: “كنت ناوية اتفرج علي فيلم أسد بمنتهى الحيادية رغم دوشة الافروسنترك اللي سمعت عنها .. بس بعد الفيديو دا و اللي بيتعامل مع موقف تنظيمي طبيعي جدا بيحصل من مكان ليه بروتوكول في دخوله مش في سينما عامة موجوده في مول او منفصله، فندق ليه مواصفات معينه وبينفذ اللي يتوافق مع عدد النجوم بتاعته فيتم تصيد موقفه و استخدامها للترويج و الدفاع عن فكرة الفيلم !؟".

وأضافت:“دي مش عنصرة يا أستاذ دياب.. دي وقفه تنظيمية تخص إدارة الفندق مش مصر علشان تقول يتعنصر عليهم في بلدهم. سيبوا رجل الشارع في حاله وقدموا شغلكم بدون ما تحشروه في دعاياكم”.

واختتمت الفنانة هبة عبد الغني تعليقها مؤكدة أن حالة الجدل الدائرة حول الفيلم قد تؤثر على حياديتها في مشاهدته، قائلة: "أعتقد مش بسهولة هقدر أشوف الفيلم بشكل حيادي".