رامي صبري يثير الجدل بتدوينة بشأن الملحنين والمؤلفين

 أثار المطرب رامي صبري، حالة من الجدل على منصات التواصل الاجتماعي، عقب نشره تدوينة مثيرة للاهتمام تناول فيها آليات التعامل داخل الوسط الغنائي، وتحديداً مع صنّاع الموسيقى من ملحنين ومؤلفين ومبدعين.

وقال رامي صبري:"عدم الرد علي ملحنين ومؤلفين او مبدعين بشكل عام .. هو عدم التجديد، وأن مفيش أفكار مختلفة".

جاء ذلك بعد الجدل الذي أثاره الملحن نادر نور والذي قال فيه: "بعتذر لكل الناس اللي بتبعتلي كلمات اغاني من فضلكم متبعتوش تاني.. معنديش مشاريع شغال عليها و لا نجوم بتسمع مني اغاني و لا عندي حاجة اقدر اساعدك بيها لاني ببساطة محتاج اللي يساعدني..و للناس اللي بتتهمني بالكسل و التقصير انا فعلا بعدت فترة لاسباب شخصية و بحاول ارجع من ٣ سنين و مش عارف".

وتابع:"مسيبتش باب مخبطتش عليه.. فقدت التواصل مع الاغلبية العظمى داخل الوسط الغنائي منهم نجوم اشتغلت و نجحت معاهم و منهم اللي بحاول اشتغل معاه للمرة الأولى و منهم اللي عشرة عمر و مشوارنا بدأناه مع بعض و احلام حلمناها و نجاحات حققناها سوا و اللي بيرد على التليفون مرة مبيردش تاني و بقيت احس بالرفض و عدم التقبل و انا مش متعود ازن على حد او اطلب الحاجة اكتر من مرة بشكل يقلل مني و من احترامي لنفسي بعد كل اللي قدمته حتى لو كان قليل فهو كبير من وجهة نظري".

وأضاف: "أخيرا معنديش مشاكل مع حد و لا بكتب الكلام ده لكسب تعاطف حد و كل الاحترام و التوفيق لزملائي انا مش زعلان من حد.. و أسف على الاطالة".