"خسيت بسبب الشخصية".. صبا مبارك تكشف كواليس تجربتها في مسلسل "ورد على فل وياسمين"

كشفت الفنانة صبا مبارك، تفاصيل مسلسلها الجديد "ورد على فل وياسمين" الذي يعرض حاليا على منصة شاهد.

وقالت صبا مبارك: "شركة الإنتاج عرضوا عليا مشروعين واحد منهم "ورد على فل وياسمين" وكانوا شايفين أن العمل التاني شبهي أكتر، وأنا حبيت شخصية "إلهام" وعندي تعاطف كبير معاها وشايفة فيها البنت العربية بشكل عام وبالذات البنت المصرية بعيدا عن كل الحاجات والصورة اللي بنشوفها في الدراما ومش عايزة أعمم اللي هي فيها طريقة فجة في الكلام وعشوائية بزيادة".

وتابعت صبا مبارك: "أنا ملقتش الشخصية دي من نفسي دي ناس موجودة أنا واحدة من المساعدين اللي معايا كانت كده بنت لذيذة وطيبة وبتلبس كويس وبتحاول بجهدها في كل تفاصيل حياتها عندها مشاكلها ممكن تبقى ساكنة في حته شعبية بس مش لازم تلبس لبس معين".

وأوضحت: " أنا خسيت عشان شخصية "إلهام" تعبانة فيبقى باين عيلها، وخلينا عندها "نمش" عشان هي بتمشي كتير في الشمس وضيفنا تفاصيل كتير حتى لو الناس مأخدتش بالها، في اللبس كان عندي طلب واحد إننا منروحش في حتة أوفر يعني لبس ملون كتير، لو اشترينا من أماكن غالية أو من الوكالة اللي بيحب يلبس حلو بيلبس حلو أنا شايفاها كده".

مسلسل "ورد على فل وياسمين" بطولة صبا مبارك، أحمد عبد الوهاب، فدوى عابد، هديل حسن، سلوى محمد علي، ميمي جمال، وإسماعيل فرغلي، وهو من إخراج محمود عبدالتواب، وتأليف عمرو سمير عاطف ووائل حمدي.