زوجة عمرو محمود ياسين تدافع عنه بعد حملة التشويه التي يتعرض لها

دافعت الاعلامية آيات أباظة عن زوجها الفنان والسيناريست عمرو محمود ياسين، بعد حملة التشويه التي يتعرض لها.

وقالت آيات أباظة: "هو صحيح أنا بقالي كتير مش بكتب حاجة على الفيس بوك.. ناس كتير عارفة اني بمر بأزمة صحية وان شاء الله ربنا هيشفيني.. بدعاء الناس".

وتابعت:"بس بجد لقيت صعب مطلعش اللي جواية تجاه موقع هابط.. تافه عشان يستفز الفنانين يغلط فيهم..آخر خبر عن عمرو محمود ياسين اللي عمر ما صحفي هاجمه أو غلط فيه وكلهم بيحترموه عشان هو بيحترمهم يجي الموقع الغريب والعجيب اللي معرفش تبع مين يشتم ويغلط و يهاجم من رمضان".

وأضافت:"أكيد عرفتم من كلام الناس اللي كاتبين عندكم وعند عمرو هو قد ايه محترم ومحبوب أنا واثقة ان الناس اللي شغالة فيه مدرسوش صحافة ولا إعلام، نفسي أعرف متسابين مطلقين على الناس كدة ليه ومن كام يوم مسكوا الفنان خالد النبوي و المخرجة كاملة أبو ذكري.. بطالب بمحاسبة هولاء الناس".