حسن عبدالفتاح يثير الجدل برسالة مؤثرة عن الابتعاد والكرامة

أثار الفنان حسن عبدالفتاح حالة من الجدل عبر مواقع التواصل الاجتماعي، بعد نشره رسالة مطوّلة عبّر فيها عن رغبته في الابتعاد عن الأشخاص الذين تسببوا له في الأذى، وذلك عبر حسابه الرسمي على موقع “فيسبوك”.

وتصدّر اسم حسن عبدالفتاح محركات البحث بعد المنشور الذي اعتبره متابعون رسالة عتاب غير مباشرة تحمل الكثير من المشاعر المختلطة بين الألم والتسامح والابتعاد.

وقال حسن عبدالفتاح في منشوره:
“زمان كنت بعاتب، وأتكلم، وأوضح، وأدي فرص كتير علشان الود يفضل موجود. كنت فاكر إن الناس لما تعرف إنها جرحتك هتحاول تصلح، ولما تعرف إنك زعلان هتهتم وتحتويك، لكن مع الوقت اتعلمت إن مش كل الناس بتفهم العتاب، ومش كل القلوب بتقدر قيمة اللي بيحافظ عليها…”

وأضاف:
“فيه ناس بتشوف طيبتك ضعف، وصبرك عادة، ووجودك شيء مضمون مهما عملوا، عشان كده بطلت أعاتب، مش علشان قلبي بقى قاسي، لكن علشان كرامتي بقت أغلى من أي نقاش مالوش فايدة…”

وتابع:
“بقيت لما ألاقي التقدير اختفى، والاهتمام قل، والمشاعر بقت من طرف واحد أمشي في هدوء، أنا مش بعاقب حد، لكن اختفائي أحيانًا بيكون أكبر رسالة ممكن تتقال…”

واختتم حديثه قائلاً:
“أنا مبقتش أعاتب بقيت أختفي، أختفي من حياة اللي أذوني، وأكبر عقاب لأي حد خسر إنسان صادق، إنه يكتشف متأخر جدًا إنه فقد شخص كان بيحبه بصدق.”