![](https://misrelaan.com/assets/front/images/poster1.jpg)
الرئيس السيسي لشباب العالم: مصر قدمت لحقوق الانسان أكثر من الغرب أنفسهم٠
![](https://misrelaan.com/storage/uploads/articles/اصالة-jTrC4a.png)
![](https://misrelaan.com/assets/front/images/poster2.jpg)
وجه الرئيس عبد الفتاح السيسي واحدة من أقوى كلماته ورسائلة النارية للغرب في جلسة محاكاة مجلس حقوق الانسان بمنتدى الشباب العالمي خلال مؤتمر المناخ المنعقد بشرم الشيخ ، حيث كشف الرئيس كدب من يدعون بالمثالية وادعائتهم ومثاليتهم المزعومة ، بل و عراهم أمام أنفسهم وأمام العالم كله .. وبخاصة أمام شبابهم الحاضرين المؤتمر٠
فالرئيس السيسي بلهجة تهكمية .: -
★ انتوا بتصرخوا من عشرتلاف واللا عشرين ألف لاجئ...ورفضتوا تستقبلوهم وشحنتوهم لبلادهم وسيبتوهم يواجهوا مصيرهم المجهول
★ بينما نحن دولة على قدها في الامكانيات ..ومع ذلك استقبلنا أكتر من 6 مليون بني آدم من كل أرجاء العالم (وده رقم كبير جدا) ، ولم نمنع أي إنسان طلب القدوم إلينا ، وما حطيناهمش في معسكرات بل وحتى بنرفض اننا نسميهم لاجئين.. وخليناهم عاشوا معانا . والناس دول موجودين في مجتمعنا بيشتغلوا وبياكلوا ويشربوا ويتعلموا ويتعالجوا، واندمجوا وسط شعبنا ..وحصلوا على كافة حقوق المصريين ...من علاج وتعليم ورعاية صحية وسكن ..وما اتكلمناش ولا اشتكينا ..ولا رفضنا دخولهم بلدنا ولا سيبناهم يواجهوا المخاطر ولا دفعناهم للموت والغرق في المتوسط.. عشان يجولكم أوروبا.. وعملنا ده بتواضع ..من غير ما نتكلم
★ يا ترى هما ملايين اللاجئين اللي مرميين على حدود الدول وداخلها في مخيمات بقالهم عشر سنين دول مالهمشي حق في الحياة ؟؟ مالهمشي حقوق انسان ؟؟ ويا ترى أخدتوا بالكوا من نتائج اللي حصل ده ونتيجة الاقامة في معسكرات لاجئين لمدة عشر سنين ؟ الناس دول موجودين في مخيمات لاجئين علي الحدود بقالهم عشر سنين ، يعني الطفل اللي كان عنده ٧ سنين النهاردة بقى عنده ١٧ سنة ..والبنت اللي كانت ٨ سنين بقت ١٨ سنة ..يعني بقوا شباب دلوقتي ..يا ترى دول مصيرهم إيه وحقوقهم فين؟؟
★ انتوا في الغرب دول مستقرة وعددكم ما زادشي من أكتر من 50 سنة .. وليكم نظامكم السياسي اللي مقتنعين بيه وأرتضتوه لنفسكم ، بس المشكلة انكوا عايزين تفرضوه علينا وعلى العالم .. دون دراية بظروف كل بلد وحال كل مجتمع مختلف عنكم، مع ان التنوع والاختلاف دا سنة كونية وما ينفعش نخلي العالم كله يتكلم لغة واحدة أو يفكر بطريقة واحدة ، وانا مش بقول كده للترويج لحاجة أو الدفاع عن حاجة.. ده واقع الدنيا كلها عايشاه وموجودة فيه، وحقوق الإنسان لا تقتصر على جانب واحد فقط فى مناحي الحياة"
★ اللي بتعملوه ده اسمه (الاستعلاااااااء) ، والاستعلاء ده مش بس بالقوة والقدرة، لكنه كمان استعلاء بالممارسة ومحاولة فرض النموذج ونمط الحياة والحكم ، ورغم كده عندما جاءت الجائحة اكتشفتوا القصور في نظامكم الصحي والذي عجز عن المواجهة
★ هي الصراعات والحروب اللي حصلت في منطقتنا ودمرت كل الدول اللي حوالينا ..ولم ينجوا من شرها غير مصر ..وتسببت في تشريد وتهجير كل تلك الملايين من البشر حول العالم ..كل الكوارث دي كان مين سببها ؟؟
مين اللي هدم الدول دي وتآمر عليها وضرب ودمر وخرّب بلاد كانت آمنة ومستقرة تحتوي شعبها على أرضها ؟؟؟مين اللي انتهك حقوق الانسان في الدول والمجتمعات دي؟؟
★ وبعدين جايين تحاسبونا نحن على حقوق الانسان ؟؟
عن أي حقوق بتتكلموا ؟؟ وأي انسان تقصدوا ؟؟
★ هو مفيش حقوق انسان غير حقه في التعبير وحقه في الديموقراطية ؟؟... طاب ما انتوا شايفين القيادات اللي بيتناحروا مع بعض حول العالم عشان السلطة مش أكتر .. حد فكر في حق شعوبهم في حياة آمنة ومستقرة بعيدا عن صراعات التكالب على السلطة ؟؟
.
◆ الريس ..في الجلسة دي كان أكثر حزما وحسما وقصفا بالقذائف الدقيقة الموجهة ..
![](https://misrelaan.com/assets/front/images/icons/seemore.png)
![](https://misrelaan.com/assets/front/images/morab-ads.jpg)
استطلاع راى
مع أم ضد عرض فيلم "الملحد" في السينمات؟
نعم
لا
اسعار اليوم
![](https://misrelaan.com/assets/front/images/slider-img.jpg)
![](https://misrelaan.com/assets/front/images/icons/thmost.png)