عبير صبري تساند نسرين شقيقة أمير كرارة بعد اصابتها بمرض البهاق

 حرصت الفنانة عبير صبري، على مساندة نسرين كرارة شقيقة الفنان أمير كرارة بعد إعلان اصابتها بمرض البهاق. 

 
وقالت عبير صبري في رسالتها لشقيقة أمير كرارة: "انتي قمر يا نسرين". 

وكانت نسرين كرارة شقيقة أمير كرارة، قالت في أول تعليق لها على مرضها: "بطلت أقاوم..تعاملت مع ابتلائي كأنه شخص ..حاولت معاه مرة، واتنين، وأكتر .. فشلت ويئست.. جربت أتعود، وأقتنع، وأصبر… وبرضه كنت برجع أضعف".

وتابعت: "دورت على أي نقطة قوة جوايا، وملاقيتش.. لحد ما في يوم قررت ماحربوش .. قررت أحبه،أختاره وأستفيد منه زي ما اتملك جزء كبير مني.. وبدأت أفهم إن كل اللي ظاهر على جلدي كان بيكلمني… وبيعلمني.. كأنه بيحكي عن كل اللي شفته من أول ما جيت الدنيا".

وأضافت: "كل بقعة كانت بتكبر، وكأنها بتتكلم بالنيابة عني، وبتقول كل حاجة مقدرتش أقولها.. لحد ما حبيت ابتلائي ومبقتش عايزاه يمشي.. وساعتها عرفت إنه عمره ما كان اسمه ابتلاء…كان اسمه نجاة".