سالي عبد السلام تكشف سر فقدان وزنها بعد الولادة

 كشفت الإعلامية سالي عبد السلام، عن سر فقدانها للوزن بعد الولادة.

وروت سالي عبد السلام ما حدث معها وما مرت به من اكتئاب بعد وصول وزنها إلى 110 كيلو، وكيف خسرت الوزن ووصلت إلى 76 كيلو.

وقالت سالي عبدالسلام: "الناس بتقولى إزاي خسيتي ورجعتي تاني في وقت قصير كده؟ أكيد هقول ومش هخبي زي غيري ويمكن ده دوري إني أقول الحقيقة بس أول إجابة عندي هي من كتر التنمر والتريقة وخفة الدم اللي حصلت فيا وأنا حامل ده كان أكبر حافز عشان مكملش فى الاكتئاب بجد!".

وتابعت: "لا أنا عارفة إن كان شكلى صعب أوي بس مكنتش عايزاهم يضايقوني أوي كده وأهم إنجاز إني إني رضعت طبيعي وهارون مدخلش حضانة الحمد لله وكملت لفترة واللي ساعدني الفيتامينات مع أن اتقالي مش هترضعي طبيعي وربنا كرمني وعملت كل اللى عليا ربنا يعلم .. وفى نفس الوقت أول ما وقف إدرار اللبن كان لازم اظبط نفسي وأهم حاجة نفسيتي وكنت بعيط كل يوم ، مش هقولكم المياه والرياضة زى ناس انا أخدت مونجارو".

وأوضحت: "أنا روحت عيادة وعلى فكرة لازم نظام غذائي ونوقف والسكر والنشويات عشان نخس ومنتعبش ويحصل مضاعفات ولو وقفنا فجأة نتخن لازم تتبطل بنظام يا رب محدش يعدي بكل اللى أنا عديت بيه ومن فضلكم ادعولى كتير".

يذكر أن، سالي عبد السلام رزقت بطفلها الأول "هارون" يوم 25 مارس.