منة فضالي: "أفكر في الاعتزال وتعرضت للاختطاف وكنت هموت"

 كشفت الفنانة منة فضالي، عن تعرضها للخيانة في حياتها، والاختطاف، مشيرة إلى إلى أنها تفكر في اعتزال الفن. 

وقالت منة فضالي: "صعب تلاقي رجل وافي، واتخنت، وضاع من عمري سنين، أنا يمكن كنت مغفلة وراح البيت واتنصب عليا، ولكن مكنش ينفع اني أتهان وأعنف وأسكت كدة". 

وتابعت: "بفكر جديا في الاعتزال وممكن يكون قريب كمان، وتعرضت من فترة طويلة للاختطاف وكنت هموت، ومعرفتش أدافع عن نفسي، وسرقوني واتبهدلت وقتها وجسمي كان متكسر". 

وأوضحت: "وكانت أوحش أيام حياتي، كنت نزلت أعمل شوبينج في أحد المولات، عشان كان عندي سفر لإيطاليا تاني يوم أصور مسلسل مع الدكتور سمير سيف الله يرحمه، ودخلت مول ولقيت حد ضربني وخدوني على العربية، وكانت كل حاجتي وشنطتي في العربية عشان بروح اللوكيشن فبخلي كل حاجة تخصني فيها، عشان منساش حاجة، وشنطة هدومي بتاعت الشغل". 

وأضافت: "ورموني من العربية وهى ماشية بسرعة وطايرة، ولقيت نفسي بخبط في صندوق صفيح، وكل جسمي كان متكسر وكانت تجربة قاسية، ولحد دلوقتي عندي فوبيا".