أحمد السقا: "كنت مستغرب إزاي الـCV بتاعي مفيهوش ياسمين عبدالعزيز"

 تحدث الفنان أحمد السقا عن تجربته مع الفنانة ياسمين عبدالعزيز في فيلم "خلي بالك من نفسك" الذي يجمعهما معا. 

وقال أحمد السقا: "اتشرفت إني اشتغلت مع بطلات في السينما المصرية كلهم، بس كنت دايما مستغرب إزاي الـCV بتاعي مفيهوش ياسمين، وفجأة لقيت أنا وياسمين قدام بعض.. ياسمين زي ما هي... تربنتينة، من وقت مسرحية "كده أوكيه".

وأوضح السقا بشأن أسلوبه في التعامل مع أدواره، قائلا: "أنا بلعب الدور، وبجري وراه، ومبتخطاش الفريم أيا كان.. وعندنا مثل بلدي بيقول: اللي معاه ربنا يمشي على الماية، وأنا الحمد لله وكيلي الله، وأبويا الله يرحمه كان بيقولي: خليها ماشية شراعي، يعني المركب تمشي بستر ربنا، لكن اللي بيحط مكن ويبدأ يخطط ويعمل... فالله أعلم، النفس يدخل وربما لا يعود". 

الفيلم بطولة أحمد السقا، وياسمين عبدالعزيز، ولبلبة، ومحمد رضوان، ومصطفى أبو سريع، وميشيل ميلاد، إلى جانب عدد من ضيوف الشرف، أبرزهم عمرو سعد، وماجد المصري، وإياد نصار، ومحمد ثروت، وأحمد الرافعي، وعماد رشاد، وإخراج معتز التوني.