رمضان 2027.. ماجي بو غصن تكشف تفاصيل مسلسل "الريسة"

 كشفت الفنانة ماجي بو غصن، تفاصيل تجربتها الدرامية الجديدة التي تخوض من خلالها المنافسة في موسم دراما رمضان 2027. 

وقالت ماجي بوغصن: "أتعاون مع الكاتبة نادين جابر في مسلسل (الريسة) في رمضان المقبل 2027، بعد عدد من الأعمال الناجحة خلال السنوات الماضية، وأكيد مع نادين عملنا نجاحات كثيرة، وإن شاء الله هنعمل نجاحات كثيرة.. هي من الناس اللي بتعرف تستفزك بالمسلسلات وبالأدوار.. عاملين شيء كثير جديد، وحتى نادين حابة تقدم حالها بشيء جديد". 

وتابعت: "العمل يحمل تحديا مختلفا لها، ويكشف وجها جديدا في مسيرتي الفنية.. وهو مسلسل شعبي، والكاركتر اللي أنا بدي ألعبه كتير مبسوطة فيه، لأنه جديد بالنسبة لي وتحد جديد". 

وأوضحت: "أقدم شخصية فتاة شعبية، يعني بفيق من النوم، بغسل وجهي، وبوقف قدام الكاميرا. لا براشينج ولا ميك أب.. بالأول نقزت شوي، بس بعدين قلت لا، أنا كيف بدي أقدم شيء جديد؟ كيف بدي أكون ماجي الممثلة اللي مش مقدمة حالي إنه لازم أهتم بالبيوتي". 

واستكملت ماجي بوغصن: " البطولة نسائية، وأكيد في أبطال رجال.. كلنا أبطال.. السنة مثل كل سنة، كلنا بنكون أبطال، ما في بطولة فلان وفلانة، لا. كل حدا عنده خطة.. بس كتير متنوع السنة، وكتير في أبطال وفي بطلات". 

وأضافت: "فيه شخصيات جداد معانا السنة.. كتير مبسوطة إنه رح نكون سوا.. عيني عليهم من زمان، وهلا جت الفرصة إنه نكون سوا".