محمد فراج يكشف تفاصيل تجربته في "لعبة جهنم".. ماذا قال؟

 كشف الفنان محمد فراج، تفاصيل تجربته في حكاية "لعبة جهنم" من مسلسل "القصة الكاملة" الذي عرض مؤخرا في 3 حلقات. 

وقال محمد فراج: "إحنا متفقين مع الجمهور إننا بنعمل عمل مبنى على أحداث حقيقية وهى جريمة الدارك ويب اللى حصلت لأول مرة فى مصر فى 2024، والشارع المصرى إتهز جدًا، عشان كده مش هينفع نضحك على الجمهور، واتكلمنا بصراحة بس بحدود، ومش عاملين المسلسل عشان نوجع الناس".

وأوضح محمد فراج، أنه يحب التغيير والتنوع فى الشخصيات التى يقدمها، سواء على مستوى الشكل أو المشاعر والأحاسيس، قائلا: "أنا كممثل بحب أتغير وأتلون، ممكن فى الشكل والمشاعر والأحاسيس، وكل شخصية بتبقى ليها أفراحها وأحزانها وهمومها، ودى حاجة بحبها فى شغلتى، إنى بعيش الشخصيات زى ما هى، وبحاول بقدر الإمكان إنى أستمتع بالمعايشة دي".

وأضاف: "شخصية الشيخ علاء اللى ظهرت بيها كان لازم أقرب من الشكل الخارجي للشخصية الحقيقية، ودي كانت حاجة بمثابة تحدي بالنسبة لي، وكنت بحاول بقدر الإمكان إنى أشتغل بدرجة من الحقيقة".