هشام عباس: والدي كان عايزني أشتغل مهندس.. واكتشفت حبي للموسيقى في الاستوديو

تحدث الفنان هشام عباس عن بداياته الفنية، موضحًا أنه في بداية مشواره لم يكن يعرف تحديدًا المجال الذي يرغب في العمل به، حتى انضمامه إلى فريق طارق الكاشف، الذي ساعده على اكتشاف حبه للعمل داخل الاستوديو.

وقال هشام عباس: «في بدايتي أنا كنت محتار ومكنتش عارف هل أنا بحب أغني ولا بحب أعمل أغاني ولا بحب أساعد في عمل الأغاني ولا بحب الأغاني كده وخلاص».

وأضاف: «لما انضميت لفريق طارق الكاشف اكتشفت إن أنا بحب الاستديو جدًا وبحب الحاجات اللي بتتسجل، وهو علمني وقررت أكون مهندس صوت».

وتابع: «وده لأن والدي كان عايزني أشتغل مهندس، وأنا قولت مش هشتغل مهندس، واشتغلت شوية في العربيات وشوية في مصنع قطن».

واختتم هشام عباس كلامه وقال: «لاقيتها فرصة أرضي بابا وأشتغل مهندس، وأنا اشتغلت في الشغل اللي بحبه».