أحمد أمين يعلن نفاد تذاكر حفل ستاند أب كوميدي"مين أمين؟" بالقاهرة

كشف الفنان أحمد أمين، عن نفاد تذاكر حفل ستاند أب كوميدي "مين أمين؟" في القاهرة ونفاذ بعد ساعات من الإعلان عنه.

وقال أحمد أمين: "أنا ممتن بجد والله العظيم حاسس باستقبال جميل أوي، بشكل مش طبيعي الحمدلله، بوست حفلة «مين أمين» في القاهرة نزل امبارح بالليل، ومن ساعتها موبايلي مبطلش رسايل جميلة من أصدقاء وفنانين كتير، كلهم عايزين يبقوا جنبي في اليوم ده.. وده لوحده مفرحني جدا".

وتابع: "وإن الحفلة تتباع بالكامل في أقل من 10 ساعات دي حاجة جميلة أوي منكم.. بجد مش عارف أقولكم إيه، أنا كنت فاكر حفلة واحدة معقولة ومكنتش عامل حسابي على أكتر من كدة".

وأضاف: "بس علشان ناس كتير زعلت مني.. بجهز افتح حفلة تانية.. هعلن ميعادها قريب جدا إن شاء الله، شكرا بجد.. من قلبي".