تامر حبيب يشيد بـ"طالع نازل": النوعية المفضلة عندي وأصبحت نادرة

أشاد السيناريست تامر حبيب بمسلسل "طالع نازل" بطولة منى زكي بعد عرض أول حلقتين منه يوم الجمعة الماضي.

وكتب حبيب عبر حسابه على فيسبوك: "شهادتي مجروحة و مجروحة فشخ عشان ده مسلسل فلذات أكبادي وإخواتي وصحابي وحبايبي وعشرة عمري، بس مش عشان الشهادة مجروحة ما أباركلهمش من قلب قلبي".

وأضاف: "كنت في غاية المتعة والانسجام والسعادة والتأثر وأنا بتفرج على الحلقتين اللي شفتهم مرتين، وبالذات إن دي النوعية الأكثر تفضيلا عندي واللي هي شحيحة وبقت تحصل كل فين وفين علشان الناس بطلت تحس، فإن ناس محترمين وموهوبين وجامدين يتكلموا في المشاعر دي وبالنضج والعمق والحقيقة وعدم المباشرة ولا الأحكام الأخلاقية وبالاختلاف ده، وكل ده من أول حلقتين بس، نبقى هنعيش معاهم أيام حلوة نحس فيها ونفتكر إننا بني آدمين".

وتدور أحداث المسلسل حول "نورا" سيدة أعمال ناجحة تجسدها منى زكي، تكتشف زواج زوجها الموسيقار الشهير الذي يجسده محمد شاهين سرا من امرأة أخرى تجسدها مريم الخشت.

المسلسل يشارك في بطولته ميمي جمال وليلى عز العرب وحمزة دياب والرابر شاهين، وهو من تأليف سماح أحمد عبد الخالق وإنجي القاسم وإخراج هاني خليفة.