لبلبة تبكي بافتتاح مهرجان القاهرة السينمائي: "حققت أمنية والدتي"

سقطت دموع الفنانة الكبيرة لبلبة، أثناء تواجدها على خشبة المسرح لتكريمها بحفل افتتاح مهرجان القاهرة السينمائي في دورته الـ 44. 

وعرض المهرجان فيلم تسجيلي عن حياة لبلبة ومشوارها الفني، وتفاعل الحضور معها لتهنئتها.

وقالت لبلبة، خلال تكريمها بحفل الافتتاح: "والدتي كانت حامل فيا وكانت بتتفرج في السينما على فيلم، وجالها وجع الولادة فجأة، ولو ملحقوهاش وقتها كنت هنزل على الأرض وأتولد في السينما، وكان يوم زي النهاردة بالظبط اللي اتولدت فيه". 

وتابعت: "والدتي كانت دايما بتشجعني، وكانت دايما بتقولي هتتكرمي من المهرجان في دورته السنادي ومتكرمش، وتكرر الموضوع أكتر من مرة، والنهاردة بتكرم وهي مش موجودة معايا" .

وأضافت: "دلوقتي بحقق أمنيتها وهي مش موجودة وأنا بتكرم النهاردة".

وأنهت كلامها:"بشكر بلدي مصر اللي اتربيت من خيرها، وجمهوري اللي شجعني وأنا طفلة لحد اللحظة اللي أنا موجودة فيها دي دلوقتي". 

وكرم المهرجان، لبلبة ومنحها جائزة الهرم الذهبي لإنجاز العمر بحفل الافتتاح. 

وحضر حفل الافتتاح عدد كبير من نجوم الفن بمصر والوطن العربي والعالم، بينهم يسرا ومنة شلبي وشيري عادل ومحمود حميدة، وإدوارد، ووفاء عامر، ونيللي كريم، وليلى علوي، وحسين فهمي وزوجته، وآخرين.

وانطلقت مساء الأحد ، فعاليات الدورة 44 لمهرجان القاهرة السينمائي الدولي على المسرح الكبير بدار الأوبرا المصرية، وتستمر حتى يوم الثلاثاء الموافق 22 من نفس الشهر.

المهرجان يعرض ٩٧ فيلما من ٥٢ دولة، يقيم ١٢ سجادة حمراء للاحتفال بـ١٢ فيلم من الأعمال المشاركة.

مهرجان القاهرة السينمائي الدولي، هو أحد أعرق المهرجانات في العالم العربي وإفريقيا والأكثر انتظاماً، ينفرد بكونه المهرجان الوحيد في المنطقة العربية والإفريقية المسجل ضمن الفئة A في الاتحاد الدولي للمنتجين في باريس (FIAPF).