"مزق في وتر الإبهام".. داليا البحيري تتعرض لإصابة أثناء عرض مسرحية "سيدتي أنا"

كشفت الفنانة داليا البحيري عن تعرضها لحادث سقوط، وذلك أثناء عرض مسرحية "سيدتي أنا"، وذلك عبر حسابها على موقع الصور والفيديوهات إنستجرام.

 وكتبت داليا البحيري: "حادثة صغيرة على ماقسم كده اختل توازني على المسرح ووقعت واقعة جامدة حبيتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها يا ختي".

وتابعت داليا البحيري: "فكل ده تمام وألف حمد وألف شكر إنها بتيجي على قد كده.. المشكلة بقى يا جماعة في إني اكتشفت إني مش عارفة اعمل أي حاجة بمعني أي حاجة من غير الصباع ده.. لا عارفة البس ولا اقلع ولا افتح ازازة المايه مش عارفة اشيل حاجة مش عارفة افتح باب العربية ومش عارفة أسرح شعري ولا أغسل وشي ولا أي حاجة.. وكمان مش عارفة اعمل scroll مش عارفة اعمل like.. آه والله الـ Like بتوجعني جدا.. بس برضو الحمد لله دائمًا وأبدًا.. ما يقع إلا الشاطر".