ملحم زين يدعو الدول العربية لمنع عرض فيلم "باربي" ويتحدث عن علاقة صداقة تربطه بعمرو دياب

تحدث الفنان ملحم زين عن أزمة فيلم باربي، ومنع عرض في عدد من الدول العربية، واتهامه بالترويج للمثلية الجنسية ومنافاته للعادات والتقاليد العربية.

وقال ملحم زين في تصريحات تليفزيونية: "أنا لم أحضر فيلم باربي ومش عارف الفيلم فيه إيه، ولكن أكيد موقفي واضح من المثلية الجنسية، وأنت حر في موقفك أنا مش رب العالمين مش هحاسبك ولا هحكم عليك، ولكن أنك تسمح لنفسك تقدملي المثلية الجنسية كشيء طبيعي وتدخل بيتي لأ، وتفرضها عليا ليه؟

ودعى ملحم زين معظم الدول العربية لمنع عرض هذا الفيلم قائلا : "أنا بدعي الكل لنفس الموقف، أنت حر في حدودك لكن متدخلش بيتي، الموضوع بقى ممنهجة في كتير من الأوقات، وإحنا محتاجين نحافظ على تقالدينا ومبادئنا وعاداتنا اللي اتربينا عليها".

كما كشف عن علاقته بالهضبة عمرو دياب قائلا: "عمرو دياب فنان كبير وموسيقته حلوة وأنا على معرفة بيه من 15 سنة، هو غاب مسرح ومخضرم بقاله 43 سنة، وبقاله 12 سنة مبيغنيش في لبنان، هو فنان عربي بيتشاف الحال فيه، وواصل لكل الوطن العربي".