المايسترو هاني فرحات: "حفلة ليلة دموع أبهرتني والأوركسترا كلهم جالهم انهيار"

كشف المايسترو هاني فرحات، الموسيقار الذي قدم حفل ليلة دموع بجدة في المملكة العربية السعودية، عن كواليس وتفاصيل الحفل وتعليقات الجمهور عليها.

وقال هاني فرحات في تصريحات صحفية: "أنا قولت الناس هتشتمني وتقول هي ناقصة نكد، بس هي حاجة كويسة فعلا إننا نطلع النكد وطاقة الحزن من جوانا، حاجة صحية جدا، وفكرة حفلة ليلة الدموع نفسها أنا نفسي منبهر بيها".

وأضاف هاني فرحان قائلا: وأنا في العادي مش بنبهر بسهولة عشان شوفت كم حاجات في العالم عظيمة وكتير، بس الفكرة دي أبرهتني عشان غريبة وبرة الصندوق خالص وناجحة جدا، لأن خروج الحزن ومشاعر الكآبة من قلوبنا حاجة كويسة.

وتابع "فرحات": الحفلة كانت عظيمة واختياراتها عظيمة، وأنا طلّعت كم أحاسيس غير عادية، وجه وقت في الحفلة فريق الأوركسترا كلهم جالهم إنهيار، وأغلب العازفين كانوا بيعيطوا بحرقة كبيرة، بسبب موقف درامي حصل، كانوا بيعزفوا وهما بيعيطوا، والمطربين كلهم أدوا بأحسن ما عندهم".