هالة فاخر تكشف عن رأيها ف عمليات التجميل ورغبتها في العمل مع محمد سامي

كشفت الفنانة هالة فاخر عن رأيها في عمليات التجميل، وسبب عدم ذهابها أفراح وعزاءات.

وقالت الفنانة هالة فاخر في تصريحات تليفزيونية لها: "لو توفى حد كان قريب مني أنا بحزن بجد، وبقعد كام يوم في البيت، لأن الواحد بيزعل على الفراق، وبنلاقي المصورين كتير.. فأنا مش عايزه أروح، يكفي إني أقعد أقرأ ليهم القرآن وادعي لهم.

وتابعت: لكن في الأفراح، أنا بنام بدري لو مفيش شغل وبحب أقعد في هدوء، حتى من بعد وفاة والدتي الزيارات قلت جدًا، وبشغل وقتي في المطبخ لأن الأكل أذواق، وابنى مبياكلش غير من إيدي.

وعن عمليات التجميل: "كل ما الواحد بيتقدم في السن كل ما الحلاوة بتكون مختلفة، وبعدين أنا بعمل، بس مش بغير مناخيري، ولا بغير ملامحي، ولا بنفخ، أنا بعمل حاجات بسيطة ممكن بوتوكس عشان بحب أشوف نفسي في المرايا حلوة".

وعبرت هالة فاخر عن رغبتها في العمل مع المخرج محمد سامي قائلة: "نفسي جدًا اشتغل مع الأستاذ محمد سامي، ودي أول مرة في حياتي أقول نفسي اشتغل مع مخرج هو بيغير جلد الممثل.. أنا قد ما حبيت دور هالة صدقي في جعفر العمدة قد ما شعرت بالغيرة الفنية".