المؤلف عمرو سمير عاطف يوجه رسالة اعتذار لجمال العدل.. تفاصيل

وجه المؤلف عمرو سمير عاطف رسالة اعتذار للمنتج جمال العدل، حيث هاجمه بعد برغبته في تحديد أجور الفنانين.

وكتب عمرو سمير عبر حسابه على موقع التواصل الاجتماعى فيسبوك قائلا: "باعتذر للأستاذ المنتج جمال العدل عن البوست إلى كتبته إمبارح الأستاذ جمال كلمني، وأنا عرفت برضه من مصادر تانية إنه مالوش علاقة بتحديد أجور الناس وباشكره على اهتمامه بتوضيح الأمور وبتمناله كل النجاح والتوفيق".

وكان عمرو سمير قد هاجم المنتج جمال العدل قائلا: "مش فاهم بالظبط أيه علاقة جمال العدل بتحديد أجور الفنيين والفنانين وليه دايما جمال العدل مستكتر على الناس عرقها وشقاها؟.

وتابع قائلا: " عمرو سمير عاطف: حاجة غريبة جدا والله ما تخليك ياريس في مسلسلاتك وشغلك وسيب الناس تسترزق طالما بعيد عنك والأخوة المنتجين اللي اجتمعوا وحددوا الأجور وعملوا اللائحة ياترى حددوا برضه مكسب المنتج المفروض يبقى قد أيه ولا بنتشطر بس على الناس الشقيانة؟.

واختتم: "عن نفسي عندي استعداد أقعد في البيت عشر سنين وأكتر ولا إني أتنازل عن مليم واحد من أجري وكل التحية والتقدير للزملاء الأعزاء المحترمين في هندسة الصوت اللي رفضوا الاستغلال والجشع والمفروض إن كل شعبة تعمل زيهم".