"خراب البيوت وحش".. ريم طارق تعلق على طلاقها وانهاء الخلافات بينها وبين حسن شاكوش

علقت ريم طارق على طلاقها من مطرب المهرجانات حسن شاكوش وذلك من خلال حسابها على موقع الصور والفيديوهات إنستجرام.

وكتبت ريم طارق قائلة: "اللهم لك الحمد الموضوع خلص على خير ودا اللي كنت بتمناه من البداية، خراب البيوت وحش ومش ترند دا إن أبغض الحلال عند الله الطلاق اجتنبوا كثيرًا من الظن إن بعض الظن إثم، ربنا ما يكتب على أي حد التشتيت أو تفريق القلوب، ربنا يكتبلنا الخير ويعوضنا في اللي جاي ويبعد عنكم جميعًا خراب وهدم البيوت".

وكانت ريم طارق قد أعلنت عن انتهاء الخلاف بينها وبين حسن شاكوش وأخذها جميع حقوقها منه، وذلك من خلال فيديو، أعاد نشره حسن شاكوش معلقا: "أنا طالع من خلال الفيديو بقول إن أنا وريم حبايب ومفيش أي خلافات ولا مشاكل ومن خلال الفيديو بشكرك جدًا يا ريم إنك قولتي كلمة حق ومشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية.

وتابع حسن شاكوش: إحنا خلاص حبايب مفيش أي حاجة وهي كانت في يوم من الأيام مراتي ومكنش ينفع أجرح فيها بأي كلمة أو أتكلم أي كلمة تجرحها الحمد لله الموضوع خلص على خير وأنا وريم حبايب دلوقتي ويا رب يقدركم على فعل الخير وبشكر كل الناس اللي بتحبني وبتحب ريم.