عمرو سلامة: "زمان كنت بعمل أفلام عشان أوري العيال في الفصل إني بقيت مخرج"

كشف المخرج عمرو سلامة عن اختلاف مهنة الاخراج بالنسبة له في الوقت الحالي، عن بدايته في المجال.

وقال عمرو سلامة في تصريحات تليفزيونية له: "اللي بعمله دلوقتي إني صححت نيّتي في إني أنا ليه بشتغل مخرج، زمان كنت بعمل أفلام عشان أوري العيال اللي في الفصل اللي كانوا بيتنمروا عليا إني بقيت مخرج".

وتابع عمرو سلامة قائلا: لكن النهاردة مش بخرِج عشان حد يسقفلي، بخرِج عشان عايز أتبسط إني طلعت فكرة كانت على السرير ودلوقتي في ناس بتشوفها، فبقيت بتبسط بالرحلة أكتر من النتيجة، وبقيت لما ببقى مبسوط نفسيًا بعمل سيرش على اسمي على تويتر بشكل أقل، مش محتاج التصقيف. 

وكشف عن أهمية العلاج النفسي قائلا: "العلاج النفسي شيء مهم جدا وأكتر حد محتاج له هو اللي فاكر إنه معندوش مشاكل، وأنا اللي أجبرني على العلاج النفسي، إني وصلت لمرحلة إني عندي مشاكل ملموسة وجربت كل الحلول لحلها واتبقى بس العلاج النفسي بس"