صبري فواز: "رحلتي في الفن ممتعة ومفيدة وبشكر طارق الشناوي على رأيه فيا"

تحدث الفنان صبري فواز عن مسيرته الفنية، وتحقيقه نجاحات خلال الفترة الماضية بعدد من الأعمال المميزة، كما رد على انتقاد طارق الشناوي له.

وقال صبري فواز في تصريحات تليفزيونية له: "طعم النجاح حلو، وميزة طعم النجاح أنك وأنت بتستطعم النجاح بيكون ممزوج بطعم الرحلة كلها فبيكون عندك ميكس حلو وشهي.

وتابع "فواز" قائلًا: رحلتي طويلة ومرهقة وممتعة ومفيدة، ولو هيكون لها موسيقى تصويرية هيكون فيلم حياتي لا هسلم بالمكتوب ولا هرضى أبان مغلوب، لأن كان عندي إحساس أن فيه حاجة حلوة جاية وجوايا يقين أن هيحصل حاجة طالما الواحد بيعمل كل اللي عليه حتى لو اتأخرت لأن ده أوانها أو مكانها ويمكن لو بدري شوية ما كنتش أكون جاهز ليها لأن الميعاد اللي ربنا اختاره هو اللي مظبوط وأنا بعمل أقصى مجهود ومطلوب مني أكون مركز والباقي بتاع ربنا.

وعلق على انتقاد طارق الشناوي له ووصه بـ عصيّ على التصنيف قائلا: أشكره على جملته، جملة حلوة أوي، لأني عملت كتير علشانها وعلشان ما أتصانفش في حتة واستغنيت عن أدوار كتير علشان كده فلما الناس تشوف ده والنقاد كمان دي شيء يفرحني جدا.

وتحدث صبري عن الشخصية التاريخية التي يتمنى تقدميها قائلًا: أتمنى أقدم شخصية تاريخية سواء لغة عامية أو فصحى وأحب أجسد شخصية زكريا الحجاوي لأنها الشخصية التاريخية الأقرب لقلبي، لأنه صاحب رحلة عظيمة في استكشاف الفن المصري الشعبي ولف البلد.