محمد ثروت يتحدث عن نجاح حفل "ليلة من الزمن الجميل"

تحدث الفنان محمد ثروت، عن نجاح حفله بالمملكة العربية السعودية، على مسرح بنش مارك، وذلك في حفل "ليلة من الزمن الجميل".

وقال محمد ثروت على هامش الحفل: "أنا بغني في السعودية من بداية مشواري ولها دور في حياتي الفنية، أنا تعاونت مع ملحنين ومؤلفين سعوديين كتير، وصورت في بداياتي أغاني الأطفال كان التلفزيون السعودي أول من صورها".

وتابع: "أنا ضد منع أي فن، والناس كفيلة أنها تاخد اللي عايزة تاخده وتسيب اللي تسيبه،واللي حصل ده غير مسبوق على الإطلاق، وأنا باجي السعودية من أوائل الثمانينات، وكنا نتمنى نعمل حفلة فيها الأسر والعائلات، واللي حصل ده مفاجأة للشعب السعودي".

وأضاف: "التفاعل أنا شوفته على الشاشات قبل ما أجي واطمأنيت، والجمهور سميع وواعي ومتجاوب جدًا وده من أكتر الحاجات اللي تخلي المطرب على المسرح عايز يدي كل اللي عنده، والأغاني اللي قدمتها دي كانت من 30 سنة والفنون يقيمها مستمعيها، وصعب أن فنان يقيم الفنون، هو يقدم الفن والجمهور اللي يقرر".