أكرم حسني يكشف تفاصيل فيلمه "العميل صفر" ويؤكد: "سيد أبو حفيظة وش الخير عليا"

تحدث الفنان أكرم حسني، عن بدايته الفنية، كما كشف عن تفاصيل فيلمه "العميل صفر".

وقال أكرم حسني خلال لقائه مع الإعلامي معتز الدمرداش: "سيد أبو حفيظة ده وش الخير والسعد، وسبب حاجات كتير أوي ربنا كرمني بيها".

وتحدث عن العميل صفر قائلًا: بحمد ربنا إن ربنا مبيضيعش التعب، العميل صفر من الحاجات اللي قعدنا فترة كبيرة نحضر لها، وفي الأخر ربنا بيكلل كل ده أن الجمهور بيقول الفيلم حلو وشباك التذاكر بيقول كلام كويس، الحمد لله شعور الرضا والانبساط والتقدير لعدل وعظمة ربنا.

وتابع: أنا بعيش لحظات استثنائية، وكل زملائي الفنانيين أساتذة كبار وعملوا مجهود كبير وأعمال حلوة جدا وفكرة المنافسة مين إيراداته أكبر من مين والله عمرها ما شغلتني، كل اللي بيشغلني إني أعمل فيلم حلو، واعتقد أن زملائي بيعملوا كده وده في الآخر بيصب في مصلحة الجمهور.

وعن اسم اسم شخصيته في فيلم العميل صفر، قال أكرم حسني: "اسم شخصية صفر في فيلم العميل صفر له مبرر في الدراما، لأن الشخصية كان اسمها صقر وفي السجل المدني نسيوا النقطة وبقى اسمه صفر، وده انعكس على شخصيته في الفيلم، يعني هو مش مجرد اسم فيه إفيه لأ ده بيخدم في الدراما".