"صعب يكون عندي صديق راجل وكنت نفسي أبقى محامية".. أبرز تصريحات ياسمين صبري مع عمرو أديب

حلت الفنانة ياسمين صبري ضيفة الإعلامي عمرو أديب أمس في حلقة خاصة من برنامجه "الحكاية".

ويرصد موقع مصر الآن أبرز تصريحات الفنانة ياسمين صبري.

تحدثت الفنانة ياسمين صبري عن تشبيهها بجورجينا قائلة: "يمكن عشان نفس لون جلدها، والروح والمنظر، وإحنا عندنا مشكلة كعرب إننا بنمجد قوي في الشيء الأجنبي، ونبص للعربي إنه رقم 2 ودي مشكلة ثقافية".

وكشفت عن حلمها خارج عالم الفن قائلة: "لو مكنتش ممثلة كنت عايزة ابقى محامية أو سيدة أعمال علشان بالي طويل و عندي صبر".

وأضافت: "بحب السفر و شغلي كله سفر ، و السفر بيخليك تحتك بالناس اكتر و تكون شخص مرن، بشتغل على نفسي كل يوم ، و بتفرج على سيشن في علم النفس".

وتابعت " الإنسان لازم يعمل القيمة، و إن القيمة انك تستخدم عقلك تتطور و تفكر و ترتقي بنفسك ، و القيمة مش بكونك إن فلان، الست بتحب كل حاجة حلوة ، و اكتر مبيعات في العالم بتكون المنتجات النسائية، لما تكون معايا صديقتي و زوجها جيه ، بسيبها و بمشي ، بخلي الست مرتاحة الا لما تكون مصممة اني اكون موجودة".

وتحدثت ياسمين صبري عن اهتمامها بنفسها  قائلة" الناس مشكلتها أنهم بيهملوا نفسهم و بيشتكوا من سوء حال الدنيا و سوء الحظ ، و بؤمن إن في ايدك تخلي حياتك جنة أو نار، بحب القراءة جدا، و طموحة جدا و ده ساعدني على التطور.. دور الضحية بيحب الاستعطاف و يعيش الدور ده ، و من صغري طموحة و محظوظة، الحلاوة ممكن تساعد الحظ ، و ممكن تضيعها إذا أساءت استخدامها " .

و عن ممارستها الرياضة قالت: "طول عمري بلعب رياضة و أنا 4 سنين ، كنت سباحة من صغري و كنت بدخل بطولات ، و سيبت السباحة و أنا عندي 18 سنة ، و كملت رياضة بعدها.. اتعلمت حركة البرجل على كبر ، و إنها تعتبر تمارين يوجا، بلعب ساعة و نص كارديو ، و 70 دقيقة يوجا.. اكتر ناس محتاجين اليوجا اللي عندهم ضغوطات في الحياة".

 وعن علاقتها بالأشخاص: " مش كل الناس تقدر تيجي تكلمني، أنا شخصية محافظة و أفتخر و اللي خلاني كدة تربية جدتي.. الانتقام ده تضييع وقت ، و إنه معناه أن أنا مهتمة، معنديش أعداء ، و في نفس الوقت معنديش صداقات كتير وصعب يكون عندي صديق راجل لإن بيحصل تكوين مشاعر مع الوقت، أنا جاية من بيئة فيها قيود ، و مش حاسة ان فايتني حاجة "

تابعت " الشهرة بتقيدني إني مثلا أروح بحري أكل سمك، أنا بنت الاسكندرانية ، و إن الناس على السواحل أعصابهم أهدى عن الناس اللي عايشة في القاهرة، كيم كارداشيان هي ست عرفت تستغل مشاكلها صح".