محمود البزاوي يكشف عن تفاصيل أول بطولة مطلقة له.. ويتحدث عن سبب قلة أعماله

تحدث الفنان محمد البزاوي عن مسيرته الفنية وبدايته بها، وحقيقة اهتمامه بالبطولة المطلقة وحبه الكروي والذي يظهر من خلال منشوراته على مواقع التواصل الاجتماعي.

وقال البزاوي في تصريحات تلفزيونية: متودكتش على الفلوس، ومتربتش على أني أعملها قيمة، الفلوس مبتفرقش معايا، وممسكتش في إيدي فلوس حقيقية غير وأنا في 3 إعدادي، ابتدى يتعملي مصروف لما طلبت وقلت لأسرتي ليه مليش مصروف، اتعملي ربع جنيه في الشهر.

وكشف عن تفاصيل أول بطولة مطلقة له قائلًا: كان في فيلم بطولة، ليها وزن وثقل من إخراج صلاح أبو سيف، مضيت على الفيلم لكن مصورتش، فمشيت من الزمالك لحد الجيزة مبتسم، وتعمدت ابتسم وأقول الحمد لله، لأني وصلت لمرحلة أني ابقى بطل، وبيتعرض عليا أعمال بطولة، قلت مجتش المرة دي بس معنى أني وصلت للمرحلة دي يبقا هتيجي تاني، أنا عايش حياتي بكتشف نفسي. 

وأضافت: نفسي أبطل كسل، أنا شخص خايب في التعامل مع نفسي، ومُقصر في حق نفسي كسيناريست كمان، لأني كتبت حتى لا أريق ماء وجهي في التمثيل، لأن وقتها مكنش حد شايفني، في مخرجين وكتاب كنت في وسطهم من زمان، ومكنوش شايفني، لكن عندي إيمان إنك لو موهوب وعندك حاجة ربنا مديهالك هتخرج للنور وهيجي وقتها، أنا لسة في بداية حياتي متغيرتش من أول يوم حتى الآن.

وتابع قائلا: "ابني ربنا يعينوا بيشجع غزل المحلة، أنا أهلاوي وبيصعب عليا المحلة، وفكرة أن فيه نجوم عالمين يجوا يلعبوا في غزل المحلة كان فيلم وهزار.