فريدة سيف النصر تكشف تأثرها بالأحداث في فلسطين وإصابة ابنة شقيقها بالسرطان

كشفت الفنانة فريدة سيف النصر عن سبب خسارتها للوزن خلال هذه الفترة وتأثرها بالأحداث الحالية في فلسطين.

وقالت فريدة سيف النصر في منشور لها عبر حسابها على موقع التواصل الاجتماعي فيسبوك: "اللي بيسألوني خسيتي إزاي مش هتصدقوا، قسمًا بالله بس من 9 أكتوبر اللي فشلت فيه سنين بييجي لوحده ومستمر.

وتابعت: "كل ما أشوف كل يوم أطفال غزة جعانين أو مستشهدين والدم، أجي أحط الأكل أبكي والله وماقدرش أشوف الدم، نفس الحالة الطفل اللي مات وفي إيده كرواسون حد إداهاله مالحقش يأكل قطمة يا قلبي.

وأضافت: "الست اللي بتصرخ وتقول ماتوا جعانين وعطشانين.. واللي بتنده على رضيعها قوم يا قلبي راح يجي اللبن وترضع.. قسمًا بالله معدتي هي اللي رفضت يا دوب لقمتين وأقف.. دي طبيعتي أزعل كنت أكل كتير.. لكن المرة دي مختلفة صوت وصورة ومأساة حقيقية، أب بيجري لولاده ميتين.. وأم بتصويت فقدتهم كلهم.. وأطفال اتيتموا واللي بينده على أبوه أو أمه وصور الأطفال بحيواناتهم وطيورهم، البنت اللي بتجري وشايله قطتها.. والولد اللي مات حاضن كلبه".

وكشفت عن إصابة ابنة شقيقها بالسرطان قائلة: "ده غير حبيبتي بنت أخويا كانسر ما بتكلش وإن أكلت ترجعه.. أنا مش عارفة أتصرف إزاي والله.. عمومًا لو فكرتي أن الأكل الزيادة ده توزعيه على ناس نفسها فيه يبقي كتر خيرك والحمد لله على نعمة الإحساس بس من غير ألم معدة يا رب.

وتابعت: من ساعة الأحداث 14 كيلو؟ ربنا يستر حقيقي معدتي وجعاني ورافضه.. يا رب حلها من عندك وارحمهم واخسف الأرض بصهيوني سفاح الحياة.