مها أحمد لفادي خفاجة: مدمن طلب مني نتخانق علشان يطلع تريند

ردت الفنانة مها أحمد، على هجوم الفنان فادي خفاجة عليها عبر بث مباشر على التيك، ووصفها بأنها تتاجر بابنها من أجل الحصول على هدايا من المتابعين عبر التيك توك.

وقالت مها أحمد: الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب.

وتابعت: فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس.

وأضافت: قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي.

وأوضحت مها: كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع والرغي واللت والعجن وشتايم الناس وإني أسخر الأدمن اللي عندي يسجلوا كل اللايفات، ليه يعني؟