ياسمين صبري : نفسي أبقى فتاة شعبية وأوصل للفلاحين

أعلنت الفنانة ياسمين صبري، أنها تتمنى تقديم دور الفتاة "الشعبية" خلال حلولها ضيفة على جلسة حوارية ضمن فعاليات مهرجان البحر الأحمر السينمائي الدولي.

وقالت ياسمين صبري: الحاجات اللي بتتعرض عليا A Class مملة بالنسبة لي، لكني نفسي أعمل شعبي، والمنتجين يشوفوني في الحتة دي وحتى لو ما شافونيش فأنا برضه هعملها.

وتابعت: في ناس في الدلتا والفلاحين والصعيد، ما ينفعش أقول لهم علشان تشترك ادخل على كذا وادفع بالفيزا كارت، أنا عاوزة الجمهور ده عنده تليفزيون، عاوزة أروح له ومش عاوزة أصعبها عليه.

وأضافت: بقلق من المنصات لأن الناس دي مش هتروح لها، وهما شريحة كبيرة جدا في مصر وعلى راسنا، وبالرغم من التطور الشديد جدا للمنصات ولكن لسه فيه أماكن ما عندهاش رفاهية إنه يشترك علشان يتفرج وأنا مش عاوزة أكلف حد، وميزة التلفزيون إن أنت رايح له ببلاش وهتلاقي القهوة فاتحة قناة هوا.