مروة عبد المنعم: مؤمنة أن الجنة مش بالحجاب

تحدثت الفنانة مروة عبد المنعم، عن فكرة ارتدائها الحجاب بعدما تعرضت لانتقادات بسبب ارتداء ابنتها الحجاب رغم صغر سنها وهي لا، وذلك خلال لقائها في برنامج البيه والهانم.

وقالت مروة عبد المنعم: جات لي فكرة الحجاب في نفس سن بنتي وكنت في أولى إعدادي وقلت لماما قالت لي لما تكبري خدي القرار، كنت ساعتها عايشة روحانيات الحجاب خاصة أني كنت عايشة في السعودية.

وتابعت: مقتنعة جدًا بالحجاب وربنا عالم أنا ليه مش محجبة، وده حساب بيني وبين ربنا، وفخورة جدًا ببنتي وأتمنى ربنا يثبتها على الحجاب وسعيدة بالقرار اللي خدته، ولو جه عليها فترة وزهقت وخدت قرار تخلع الحجاب مش هقف ضدها.

وأضافت: أنا بيني وبين ربنا عمار كبير جدًا، وعندي علاقة خاصة بيني وبين ربنا ما يصحش أني أقولها لأني بحبها، وواثقة في ربنا وكرمه وحبه ليا وواثقة أنه بيحبني جدًا وبيبعت لي رسايل كتير جدًا وبيكلمني كتير جدًا.

وأكدت: مؤمنة أن ربنا بيكلمنا في كل لحظة ومن يستطيع أن يقرأ رسايل الله مش أي حد أنا بقرأ رسايل ربنا ليا، ومؤمنة إني في الجنة مش بالشعر نهائي، ومحدش عارف فيه إيه بيني وبين ربنا، وأنا أخلاقيًا الناس كلها عارفة أخلاقياتي ومش محتاجة أني أتكلم عنها ودينيًا ربنا وحده بس اللي عارف بيني وبينه إيه.