إسعاد يونس عن عودتها للسينما بعصابة عظيمة: مرعوبة جدا

تحدثت الفنانة القديرة إسعاد يونس، عن عودتها للسينما من جديد بفيلم عصابة عظيمة، وذلك خلال لقائها في برنامج "et بالعربي".

وقالت إسعاد يونس: فكرة الفيلم كانت جذابة لدرجة دفعتني للعودة للسينما مرة أخرى وإحساسي غريب.

وتابعت: حاسة برعب رهيب مع قرب طرح الفيلم، و أن شاءالله ربنا يكلل المجهود بالخير والزمن بيتغير، ومش كل حاجة زي زمان، لكن الفكرة كانت جذابة لدرجة تخلي الواحد يتخلى عن الحرص ويغامر بيها.

وأضافت: الفيلم وراه غرض نبيل، وبيتناول شيء إنساني، وهي عصابة بتكونها عظيمة عشان تسترد حقها.

وأكدت: رغم أن العصابة مش كلهم أصحاب الحق، لكن بعد شوية بيكتشفوا أنهم أصحاب الحق، عشان كده بيتحدوا جدًا وبيخشوا بقلب جامد على مؤامرة غير محسوبة العواقب.

فيلم عصابة عظيمة من تأليف هاجر الإبياري ومن إخراج وائل إحسان، ومن بطولة إسعاد يونس، كريم عفيفي ورنا رئيس، محمد ثروت، محمد محمود، عنبة، فرح الزاهد.